दोहा : नेपाली नयाँ वर्ष २०८२ को शुभ - अवसर पारेर आगामी अप्रिल ११ तारिख शुक्रबार आयोजना गरिएको बृहत साँस्कृतिक " नयाँ वर्ष धमाका " कार्यक्रमको लागि लोक तथा दोहोरी चर्चित गायक मिलन लामा कतार आइपुगेका छ्न ।
"धादिङ सेवा समाज कतारको आयोजनामा, चेपाङ समुदायको सहयोगार्थ चर्चित गायक लामा सहित स्थानिय कलाकारहरुको बृहत साङ्गितिक प्रस्तुतिमा नयाँ वर्ष धमाका तथा बृहत साँस्कृतिक कार्यक्रम -२०८२ को लागी उनि आज बुधबार बिहान कतार आइपुगेको कार्यक्रम संयोजक गौतम तामाङले मुग्लानी खबरलाई जानकारी गराए ।
अतिथि कलाकार लामालाई स्वागत गर्नको लागी कार्यक्रम संयोजक तामाङ सहित ,संरक्षक कबिन्द्र कंडेल, विशेष सल्लाहकार धिरेन तामाङ, सल्लाहकारहरु बिकास दाहाल, सुबाश तामाङ,कृष्ण सुनार लगायत विभिन्न संघ संस्थाका पदाधिकारी सहित संस्थाका केन्द्रिय सदस्यहरुको हमद अन्तर्राष्ट्रिय विमान स्थलमा पुगेका थिए ।
"मिलन लामा नेपाली लोक र दोहोरी गीतहरूको मनमोहक प्रस्तुतिको लागि प्रसिद्ध छन्। चालीस भन्दा बढी देशहरूमा आफ्नो संगीत प्रतिभा प्रदर्शन गरिसकेका उनि "हङकङ आइडी ले," "माझी दाई पोखरा फेवा तालको," र "कृष्ण भिर्म जाम" जस्ता हिट गीतहरू उनका सबैभन्दा लोकप्रिय गीतहरू हुन्।
दोहाको मुन्ताजा पार्क नजिकै रहेको पियरलिङ सिजनल स्कुलको हलमा हुने कार्यक्रममा उपस्थितीको लागि कतारमा रहेका विभिन्न सामाजिक तथा बैचारिक संघ संस्थाका प्रमुख एवं प्रतिनिधि, विशिष्ट व्यक्तित्व, समाजसेवी, बुद्धिजीवी जिल्ला बासी सहभागी भएर सभ्य भव्य रूपमा कार्यक्रम सफल पारिदिन समाजका अध्यक्ष आयुष घलेले अनुरोध गरेका छन ।
कार्यक्रममा आउन जानको लागि कतारको विभिन्न ठाउँबाट नि:शुल्क यातायातको व्यवस्था पनि रहेको छ भने कार्यक्रमको बारेमा थप जानकारीको लागि अध्यक्ष आयुष घलेको मोबाइल नम्बर 30107068, महासचिव रामहरि श्रेष्ठ 3068 8282 र कार्यक्रम संयोजक गौतम तामाङ 33121644 मा सम्पर्क गर्न सकिने आयोजक समितिले बताएको छ ।
“धादिङ सेवा समाज कतारको मूल मर्म, समाज सेवा नै हो मानवीय प्रमुख धर्म” भन्ने मूल नाराका साथ सन्- २००१ मा स्थापना भएको धादिङ सेवा समाज कतारले विभिन्न सामाजिक, आर्थिक तथा रचनात्मक कार्यहरु गर्दै आइरहेको छ ।
