दोहा : कतारमा नेपाली व्यवसायीहरू बढ्दै गएको र नेपाली रेष्टुरेन्ट हरू पनि थपिने क्रम जारी रहेको अवस्थामा, अल्खोरमा 'मोबाइल केरला' नामको नयाँ नेपाली रेष्टुरेन्ट सञ्चालनमा आएको छ।
दोहा सिटि देखी लगभग ५५ किलोमीटर टाढा, उत्तरि शुन्दर शहर अलखोरमा खुलेको यो रेष्टुरेन्टले विशेष गरि नेवारी, नेपाली र दक्षिण भारतीय स्वादका परिकारहरू उपलब्ध गराउने सञ्चालकहरूले बताएका छन्।
पछिल्लो समय कतारका सनैयाँ,दोहा,अल्खोर लगायत नेपाली समुदायको बाक्लो बस्ती रहेको स्थानमा धमाधम नेपाली रेष्टुरेन्ट खुल्न लागेका छ्न ।
वैदेशिक रोजगारिको सिलसिलामा कतारमा कार्यरत उर्जावान रेष्टुरेन्ट संचालक लक्ष्मी शुन्दर त्वानाबासु र उहाँको धर्मपत्नी कञ्चन ज्याख्व त्वानाबासु को लगानीमा उक्त रेष्टुरेन्ट संचालन गरिएको हो ।
आफुले "रोजगारी बाट " कमाएको आयस्रोतले रोजगार दिने,कतारमा रहेका नेपालीहरूलाई घरकै जस्तो स्वाद दिने र दक्षिण भारतीय खानाका पारखीहरूलाई पनि आकर्षित गर्ने विश्वास व्यक्त गरे। "कतारमा खुलेका नेपाली रेस्टुरेन्ट " हरु मध्यकै स्वादिलो,सस्तो,सफा, ताजा खाना आफुहरुको रेष्टुरेन्टले उपलब्ध गराउने उहाँहरुको भनाइ छ ।
सञ्चालकहरूले रेस्टुरेन्टले ठूलो संख्यामा कम्पनीका कर्मचारीहरूलाई पनि खाना उपलब्ध गराउने योजना बनाएको बताए । अल्खोर - रस्लाफानमा नेपाली समुदायको उपस्थिति बढ्दै गएको अवस्थामा यो रेस्टुरेन्टले उनीहरूलाई नेपाली स्वादको खाना उपलब्ध गराउने एक महत्वपूर्ण थलो बन्ने अपेक्षा गरिएको छ।
रेष्टुरेन्ट संचालकका छोरा सम्राट त्वानाबासु द्वारा रिवन काटी उद्घाटन गरिएको कार्यक्रममा कतार स्थापित विभिन्न संघ संस्थाका प्रतिनिधि सहित पत्रकार महासंघ कतार शाखाका अध्यक्ष दिल श्रेष्ठ, लोकदोहोरी प्रतिष्ठान कतार शाखा अध्यक्ष शिवराम ढकाल, बङ्गाली कमिटीका अध्यक्ष सलाउदिन, सुडान एम्बेस्सीका काउनसिलर लगायत करिपन २५० भन्दा बढिको उपस्थिति रहेको थियो ।
उद्घाटन समारोहमा बोल्दै उपस्थितिले अल्खोरमा नेपाली रेस्टुरेन्ट खुल्नु सुखद कुरा भएको बताए र यसले नेपाली र अन्य मुलुकका समुदायबीचको सम्बन्धलाई थप प्रगाढ बनाउने विश्वास व्यक्त गरे।
मोबाइल केरला रेस्टुरेन्टले अल्खोरमा रहेका सबैलाई सेवा गर्ने अवसर दिन अनुरोध गरेको छ। रेस्टुरेन्टले फ्रि होम डेलिभरीको व्यवस्थासमेत गरिने जानकारी गराइएको छ ।
-1743756513.jpg){kind=tracking}
-1743756513.jpg){kind=tracking}
