नेताहरूको लुटतन्त्रकै कारण तेस्रो जनआन्दोलन आवश्यक भयो : प्रभु साह

राजनीति

गृहपृष्ठ
राजनीति
नेताहरूको लुटतन्त्रकै कारण तेस्रो जनआन्दोलन आवश्यक भयो : प्रभु साह

नेताहरूको लुटतन्त्रकै कारण तेस्रो जनआन्दोलन आवश्यक भयो : प्रभु साह

आइतबार, चैत १७, २०८१ मुग्लानी खबर

आम जनता पार्टी (आजपा) का अध्यक्ष तथा पूर्वमन्त्री प्रभु साहले लुटकारी दलाल दलतन्त्रका कारण मुलुक बर्बाद भईरहेको टिप्पणी गरेका छन् । नेताहरुको लुटतन्त्रकै कारण तेस्रो जनआन्दोलन जन्मिएको बताउदै उनले आम जनताको शासन व्यवस्थाका लागि आन्दोलन सफल बनाउनुपर्ने बताए ।
लुटकारी दलतन्त्रबिरुद्ध २४ चैतमा काठमाडौंमा हुने तेस्रो जनआन्दोलनको तयारीका लागि आज काठमाडौंको बुढानिलकण्ठमा आयोजित कार्यक्रमलाई सम्बोधन गर्दै उनले भ्रष्टाचारी, लुटेरा, दलालहरुका कारण मुलुक समृद्ध हुन नसकेको बताए ।
‘सरकार भगौडा बर्गको पक्षपोषणमा लागेको छ । नेपालमा लुटेर अकुत पैसा जम्मा गरी विदेश लैजाने, उच्च ओहदामा बसेर लुट मचाउने र नेपालको पुँजी बिदेश लैजानेको सेवा गर्नमा सरकार लागेको छ,’ आजपा अध्यक्ष साहले भने, ‘लुटेराहरु जो मुलुकको आर्थिक अवस्था धरासायी बनाए सरकार त्यस्तालाई दोहोरो नागरिक्ता दिने र कानून पनि उनीहरुकै लागि बनाएर मुलुकलाई झन धरासायी बनाउदैछ ।’
भगौडा वर्गको पक्षपोषणमा लागेको सरकारले मुलुकलाई जोगाउन नसक्ने बताउदै उनले मुलुक जोगाउन, देशलाई आर्थिक संकटबाट बचाउन, देशबाट दलाल दलतन्त्रको अन्त्य गर्नका लागि तेस्रो जनआन्दोलनलाई सबै एकजुट भएर लाग्नुपर्ने बताए । सरकार र संविधान दुबै असफल भईसकेको बताउदै उनले वर्तमान व्यवस्थाको अन्त्य नै मुलुकमा देखिएको संकटको समाधान भएको बताए । जनताको सर्वोच्चता सहितको शासन व्यवस्था नभएसम्म मुलुक समृद्ध हुन नसकेको उनले बताए ।
देशको वर्तमाान राजनीतिक अवस्था अन्यौलग्रस्त, अस्तव्यस्त एंव संकटउन्मुख रहेकोले आम जनतामा राजनीतिप्रति विकर्षण, दल र नेताप्रति घृणा, राजनीतिक शक्तिहरूबीच टकराव, जनआक्रोश मार्फतको तिब्र धुर्वीकरण सहित अग्रगामी विचार, नेतृत्व एंव निकासको खोजीमा देश रहेको उनले बताए ।
वर्तमान सरकारको कारण आर्थिक सूचकांकहरु नकारात्मक बनेको, वैदेशिक कुटनीतिक सम्बन्धहरु अवरुद्ध भएको, कार्यसम्पादन मुल्यांकनमा प्रधानमन्त्री तथा बहुमत मन्त्रीहरू फेल भएको, ओली नेतृत्वको सरकार आफै जनस्तरबाट अस्वीकृत भएको बताउदै उनले सोही कारण जनतामा आक्रोश उत्पन्न भएको बताए ।

प्रकाशित मिति: आइतबार, चैत १७, २०८१

प्रतिक्रिया दिनुहोस्