निर्मल निवासमा पूर्वराजालाई दुर्गा प्रसाईं,नवराज सुवेदीको बेग्लै भेटवार्ता

राजनीति

गृहपृष्ठ
राजनीति
निर्मल निवासमा पूर्वराजालाई दुर्गा प्रसाईं,नवराज सुवेदीको बेग्लै भेटवार्ता

निर्मल निवासमा पूर्वराजालाई दुर्गा प्रसाईं,नवराज सुवेदीको बेग्लै भेटवार्ता

बिहीबार, चैत १४, २०८१ मुग्लानी खबर

पूर्वराजा ज्ञानेन्द्र शाहले सक्रियता देखाएसँग निर्मल निवासमा राजावादीहरु र पूर्वपञ्चहरुको सक्रियता बढेको छ । पूर्वराजा ज्ञानेन्द्र विभिन्न व्यक्तिहरुसँगको भेटघाटमा व्यस्त रहेका छन् । राजसंस्था र हिन्दु राष्ट्रको पक्षमा भोलि (चैत १५ गते) काठमाडौंमा हुने प्रदर्शनको सन्दर्भलाई लिएर तत्कालीन राष्ट्रिय पञ्चायतका अध्यक्ष नवराज सुवेदीले समेत पूर्वराजा ज्ञानेन्द्रलाई भेटेका छन् ।
सुवेदीले हिजो (बुधबार) निर्मल निवासमा पुगेर पूर्वराजा ज्ञानेन्द्रसँग दर्शन भेट गरेका हुन् । त्यस्तै, राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजकसमेत रहेका दुर्गा प्रसाईँले समेत आज पूर्वराजा ज्ञानेन्द्रलाई भेटेका छन् ।
गत फागुन ७ गते एक वक्तव्य सार्वजनिक गर्दै पूर्वराजा ज्ञानेन्द्रले पनि आफ्नो सक्रियता बढाएका छन् । गत फागुन २५ गते पूर्वराजा ज्ञानेन्द्र पोखरा भ्रमणबाट काठमाडौं फर्किँदा राजावादी दल र धार्मिक संघ संस्थाहरुले १०औं हजार मान्छे स्वागतका लागि सडकमा उतारेका थिए ।

प्रकाशित मिति: बिहीबार, चैत १४, २०८१