दोहा : अङ्ग्रेजी नयाँ बर्षको शुभ अवसर पारेर सिन्धुली सेवा समाज कतारले शुभकामना आदानप्रदान सहित बनभोज कार्यक्रम सम्पन्न गरेको छ ।
आज ०३ जनवरी २०२५ शुक्रबारका दिन समाजका अध्यक्ष कृष्ण वर्माको सभापतित्व, प्रमुख सल्लाहकार पुरुषोत्तम सुनुवारको प्रमुख आथित्यता रहेको "शुभकामना आदानप्रदान सहित बनभोज कार्यक्रम" ओक्रा बिचमा सम्पन्न गरेको छ ।
सस्थाका महासचिव सबिता गोलेले सहजीकरण गरिएको कार्यक्रममा बिशेश अतिथिहरूमा चेत बहादुर बलम्पाकी मगर, धन बहादुर भुजेल,दिर्घ बहादुर बुर्जा र अविरल बिश्वकर्म, प्रथम उपाध्यक्ष नीर बहादुर सुनुवार जनकले आमन्त्रित सबैलाई स्वागत मन्तव्य पस्किएका थिए ।
कार्यक्रमको औचित्यबारे सचिव बिनोद राना मगरले प्रष्ट पारे, सम्पूर्ण सल्लाहकारहरुले महत्त्वपूर्ण सुझाव सहित शुभकामना राख्दै संस्थाको उन्नति र प्रगति सहित नेपाली श्रमिकहरुको हक हितको पक्षमा डटेर लाग्न आग्रह गरेका थिए ।
प्रमुख अतिथि सुनुवारले स्थापना कालका संस्थापक हरूको स्मरण गर्दै सन २००३ मा संस्थापक अध्यक्ष चतुरमान तामाङ, बिजय लामालाई सम्झिदै धन्यवाद सहित त्यो बेला देखि आज २२ वर्ष सम्मको लामो यात्रामा पनि संस्थाले निकै राम्रा कामहरू गर्नुका साथ साथै कतार मात्र नभएर स्वदेशमा पनि भैपरी आउँदाको अनेकौ पिडामा मलमपट्टी गरिरहेको हुनाले सस्थालाई सबैले माया गर्दै अझ सकृय रुपमा अगाडि बढाउन एकजुट हुनुपर्नेमा जोड दिए ।
कार्यक्रमलाई समापन गर्ने क्रममा सभापति कृष्ण वर्माले उपस्थित सबैलाई धन्यवाद प्रकट गर्दै समयले भ्याएसम्म सस्थामा आवद्धता हुन, सदस्य लिन र आफुले भौतिक तथा आर्थिक रुपमा सहयोग गर्दै साथ सहयोगको अपेक्षा सहित कतारमा रहनु हुने सम्पूर्ण सिन्धुली बासीहरूलाई संस्थामा आवद्ध हुन अनुरोध गरेका थिए ।
सिन्धुलीको आन्तरिक कार्यक्रम भएतापनि गैर सिन्धुलीबासीहरूको समेत भब्य उपस्थित रहेको थियो ।
चर्चित हाँस्य कलाकार धना भुजेलले आफ्नो प्रस्तुति मार्फत सबैलाई बेजोड मनोरञ्जन प्रदान गरे । उपस्थित सबैले ग्रुप नृत्यमा रमाइलो गर्दै परदेश देखि घरदेशलाई सम्झिए ।
बिहान ११ बजेबाट सुरु भएको कार्यक्रम साँझ ६ बजे समापन भएको थियो ।
