प्रधानमन्त्री ओलीलाई युएईका राजदूतको शिष्टाचार भेट

अन्तर्राष्ट्रिय

गृहपृष्ठ
अन्तर्राष्ट्रिय
प्रधानमन्त्री ओलीलाई युएईका राजदूतको शिष्टाचार भेट

प्रधानमन्त्री ओलीलाई युएईका राजदूतको शिष्टाचार भेट

बुधबार, पुस ३, २०८१ मुग्लानी खबर

प्रधानमन्त्री केपी शर्मा ओलीसँग नेपालका लागि संयुक्त अरब इमिरेट्स (युएई)का राजदूत अब्दुल्लाह अल सम्सीले शिष्टाचार भेट गरेका छन् ।
प्रधानमन्त्री निवासमा आज भएको उक्त भेटमा राजदूत सम्सीले आगामी फेब्रुअरीको दोस्रो साता दुबईमा आयोजना हुने ‘वर्ल्ड गभरमेन्ट्स समिट’मा भाग लिन युएईका उपराष्ट्रपति एवं प्रधानमन्त्री मोहम्मद बिन रसिद अल माक्टुमले पठाएको निमन्त्रणापत्र हस्तान्तरण गरे ।
त्यस अवसरमा दुई देशबीचको आपसी सम्बन्धका साथै पारस्परिक हित र चासोका साझा विषयमा छलफल भएको थियो । साथै उनीहरूबीच यसअघि भएका द्विपक्षीय सम्झौताको प्रभावकारी कार्यान्वयन र आगामी दिनमा व्यापार, लगानी, कृषि, जलविद्युत्, पर्यटन प्रवर्द्धनबारे पनि छलफल भएको थियो । रासस

प्रकाशित मिति: बुधबार, पुस ३, २०८१

#राजनीति

प्रतिक्रिया दिनुहोस्