दोहा : संखुवासभा समाज कतारले शुभकामना तथा टिका ग्रहण कार्यक्रम सम्पन्न गरेको छ ।
शनिवार कतारको सनैयामा अवस्थित लालीगुँरास रेष्टुरेन्टमा नेपालीहरुको महान राष्ट्रिय चाड बडा दशैंको शुभकामना आदान प्रदान तथा टिका ग्रहण कार्यक्रम सभ्य अनि भव्यताका साथ सम्पन्न गरेको हो ।
"संखुवासभालीको पहिचान,विश्व सामु चिनाउने हाम्रो अभियान" भन्ने मुल नारालाई आत्मसाथ गर्दै,न्याय गर्दै गत १२-अक्टोवर, २०२४ साँझ ५:०० बजे देखी सुरु भएको कार्यक्रममा संस्थाको का.वा. अध्यक्ष बिरेन मादेन लिम्बु को सभापतित्वमा संस्थाका संरक्षक पर्शुराम दाहालको प्रमुख अतिथि र संस्थाका का.वा. महासचिव श्री शिब खत्रीको सहजिकरणमा कार्यक्रम सम्पन्न गरिएको हो ।
कार्यक्रममा विशेष अतिथिमा संस्थाका संरक्षक तेज मोक्तान तामाङ, प्रमुख सल्लाहकार निरन नेपाल साथै सल्लाहकार हरुमा कोशी प्रदेश समन्वय परिषद कतारका कोषाध्यक्ष महेन्द्र उप्रेती, कतारमा लामो समय देखी स्थापित संघ संस्थाका मार्गदर्शन भई उभिनुभएका समाजसेवी,बुद्दिजिवि,व्यवसायी, सागर नेपाल चानक पोख्रेल, समाजसेवी,बुद्दिजिवि तथा व्यवसायी जोहेब लामा लगायतको उपस्थिति रहेको थियो ।
कार्यक्रममा जिल्ला संस्थाहरु अन्तर्गत खोटाङ सेवा समाजका अध्यक्ष डिल्ली सेर खड्का, झापाली समाज कतारका अध्यक्ष केशव कार्की, धनकुटा प्रवासी सेवा समाजका अध्यक्ष तिल बिक्रम मगर, भोजपुर सेवा समाजका अध्यक्ष गोबिन्द कट्टुवाल, धादिङ सेवा समाज कतारका अध्यक्ष तथा फोटो ग्राफर आयुस घले , नेपाली महिला समाज कतारका प्रथम उपाध्यक्ष सन्ध्या अर्याल , फोटो ग्राफर कविता राई मादेन लिम्बु , प्रेम लगायतको उपस्थिति रहेको थियो ।
कार्यक्रमलाई विभिन्न तरह बाट सफल पार्न उपस्थिति सम्पुर्णलाई संस्थाका का.बा अध्यक्ष बिरेन मादेन लिम्बुले धन्यवाद सहित आभार ब्यक्त गर्दै कार्यक्रमको समापन गरेका थिए ।
