सलिसाम कतारको पाँचौं राष्ट्रिय अधिवेशन हुदैं, पहिचानवादी नेता लिङदेन आउदै

प्रवास समाचार

गृहपृष्ठ
प्रवास समाचार
सलिसाम कतारको पाँचौं राष्ट्रिय अधिवेशन हुदैं, पहिचानवादी नेता लिङदेन आउदै

सलिसाम कतारको पाँचौं राष्ट्रिय अधिवेशन हुदैं, पहिचानवादी नेता लिङदेन आउदै

आइतबार, असोज ६, २०८१ मुग्लानी खबर

दोहा : संघीय लोकतान्त्रिक राष्ट्रिय मञ्च (सलोराम) संघीय लिम्बुवान प्रान्तिय मञ्च नेपाल अन्तरगत "संघीय लिम्बुवान सामाजिक मञ्च (सलिसाम) कतारको पाँचौं राष्ट्रिय महासधिवेशन यहि २७ सेप्टेम्बर २०२४ मा हुने तयारी भएको छ ।

२०६८ सालमा प्रवास कार्यसमितिका रुपमा स्थापित सलिसाम कतारले नेपालका पहिचानवादी नेता तथा सलोराम नेपालका संघीय अध्यक्ष कुमार लिङदेन मिराक को प्रमुख आतिथ्यतामा राष्ट्रिय महाधिवेशन गर्न लागेको हो ।

सलिसाम कतार नेपालको एक बैचारिक संगठनको प्रवास समिति भएतापनि सलिसाम कतारले स्थापना कालदेखीनै प्रवास कतारमा रोजगारीका लागि आएका नेपालीहरुको हरेक खाले समस्याहरुमा हातेमालो गर्दै आउनका साथै नेपालमा पनि विभिन्न समय र स्थानमा हुने प्राकृतीक प्रकोप तथा विपतको साहरा बन्दै नेपालीहरुको साझा सामाजिक संस्थाको रुपमा स्थापित भएको छ ।

यस मञ्चले २७ सेप्टेम्बर २०२४ दिन होलीडे भिल्लाको सभाहलमा कार्यक्रम गर्ने तयारी गरेको वरिष्ठ उपाध्यक्ष डम्बर लिबाङ मिसेकले मुग्लानी खबरलाई जानकारी गरेका भए पनि नयाँ नेत्रृत्वको बारे भने उनले केहि खुलाउन चाएनन् ।

प्रकाशित मिति: आइतबार, असोज ६, २०८१