सर्पले डसेका युवकको बाटोमै मृत्यु

स्वास्थ्य-जीवनशैली

गृहपृष्ठ
स्वास्थ्य-जीवनशैली
सर्पले डसेका युवकको बाटोमै मृत्यु

सर्पले डसेका युवकको बाटोमै मृत्यु

मंगलबार, भदौ १८, २०८१ मुग्लानी खबर

बरहथवा (सर्लाही), १८ भदौः सर्लाहीको हरिवनमा विषालु सर्पले डसेका एक युवकको ज्यान गएको छ ।

हरिवन नगरपालिका–८, चापिनी निवासी ३५ वर्षीय सागर आलेमगरको मृत्युभएको हो । आलेलाई गएराति शौचालय जाने क्रममा गोमन सर्पले डसेकामा उहाँलाई लालबन्दीस्थित सर्पदंश उपचार केन्द्र नवलपुर पुर्‍याइएको थियो तर त्यहाँ उपचार सम्भव नभएपछि जनकपुरतर्फ लैजाँदै गर्दा बाटोमा नै मृत्यु भएको हो ।

गएराति नै सर्पले डसेको भए पनि आज बिहानपख मात्र परिवारले थाहा पाएपछि ढिलोगरी उपचारका लागि ल्याइएकाले समस्या भएको उपचार केन्द्र नवलपुरका अध्यक्ष उद्धव पौडेलले जानकारी दिनुभयो ।

प्रकाशित मिति: मंगलबार, भदौ १८, २०८१

प्रतिक्रिया दिनुहोस्