कृषिमन्त्रीसँग एडिबीका देशीय निर्देशकको शिष्टाचार भेट

कृषि

गृहपृष्ठ
कृषि
कृषिमन्त्रीसँग एडिबीका देशीय निर्देशकको शिष्टाचार भेट

कृषिमन्त्रीसँग एडिबीका देशीय निर्देशकको शिष्टाचार भेट

सोमबार, भदौ १७, २०८१ मुग्लानी खबर

काठमाडौँ, १७ भदौ : कृषि तथा पशुपन्छी विकासमन्त्री रामनाथ अधिकारीसँग एसियाली विकास बैंक (एडिबी) का देशीय निर्देशक आर्नौड काउचोइसले आज मन्त्रालयमा शिष्टाचार भेट गर्नुभएको छ ।
भेटमा मन्त्री अधिकारीले एडिबीको सहयोगमा सञ्चालित आयोजनाले नेपालको कृषि क्षेत्र तथा ग्रामीण अर्थतन्त्रको विकासमा उल्लेखनीय योगदान पु-याएको बताउनुभयो । उहाँले आयोजनाबाट राम्रो उपलब्धि हुँदाहुँदै पनि केही समस्या रहेकाले उक्त समस्याप्रति आफू गम्भीर रहेको उल्लेख गर्नुभयो ।
मन्त्री अधिकारीले भन्नुभयो, “आगामी दिनमा सञ्चालन हुने आयोजनामा क्रमशः समस्या सुधार गर्न मेरो चासो रहने छ ।” सरकारले चालु आर्थिक वर्ष २०८१/०८२ को दशकलाई ‘कृषिमा लगानी दशक’ घोषणा गरी सरकारी, निजी, सहकारी तथा विकास साझेदारको लगानी वृद्धि गर्ने लक्ष्य लिएको उहाँले बताउनुभयो । उत्पादनदेखि बजारीकरणसम्म कृषि ‘इकोसिस्टम’ सुधार कार्ययोजना कार्यान्वयन गर्ने मन्त्रालयको लक्ष्यमा एसियाली विकास बैंकबाट आवश्यक सहयोग प्राप्त हुने अपेक्षा रहेको उहाँले बताउनुभयो ।

“कृषि सम्बन्धी उपजहरूको मूल्य शृङ्खला विकास तथा प्रशोधनमा गरिने सहयोगले मूल्य शृङ्खलामा विकास भई कृषि उपजको मूल्य अभिवृद्विका साथै मुल्य शृङ्खलामा किसानको पहुँच वृद्धि हुनेछ”, उहाँले भन्ुभयो, “एडिबीको सहयोगमा किसानको प्रत्यक्ष हित हुने र ग्रामीण रोजगारी सृजना हुने नयाँ परियोजना सञ्चालन हुने आशा गरेको छु ।”

बैंकका देशीय निर्देशक काउचोइसले आगामी दिनमा पनि सहयोगलाई निरन्तरता दिँदै थप परियोजनाका सम्भावना खोज्न तयार रहेको बताउनुभयो ।

प्रकाशित मिति: सोमबार, भदौ १७, २०८१

प्रतिक्रिया दिनुहोस्