दोहा : नेपाली हिन्दु महिला हरुको महान पर्व तीजको अवसरमा, प्रवासी नेपाली एकता मञ्च कतारको( महिला बिभाग) को आयोजनामा भब्यताका साथ "हरितालिका तीज " कार्यक्रम हुने भएको छ ।
"मेरा त बुढाले रक्सी खादैनन,ओए सुन्तलि,रेलैमा फरर जस्ता थुप्रै तीज तथा लोकदोहोरी गीतमा स्वर दिएकी जमुना सोनम अहिले कि बहु -चर्चित गायिका हुन ।
त्यसैगरि प्रमुख अतिथिको रुपमा नेपालबाट (एकीकृत समाजबादी) का महिला नेत्री, पूर्व मन्त्री एवंम प्रखर युवा नेत्री राम कुमारी झाँक्रीको विशेष सम्बोधन रहने मञ्चका अध्यक्ष मोहमद्द मुक्तदा मुसलमान बताउन्छ्न ।
सेप्टेम्बर ६ तारिकका दिन मध्याह्न १२ बजेदेखी दोहा स्थित "होटल क्राउनप्लाजाको सभाहलमा हुने कार्यक्रममा नेपाल सहित कतारमा रहेका कलाकारहरुको भब्य सास्कृतिक प्रस्तुति सहित शुभकामना आदानप्रदान कार्यक्रम रहने छ ।
कार्यक्रममा दोहामा स्थापित सम्पूर्ण नेपाली संघसंस्थाका प्रमुख तथा प्रतिनिधि, सामाजिक अभियान्ता, कलाकार , पत्रकारका साथै सम्पुर्ण दाजुभाई तथा दिदिबहिनिहरुलाई उपस्थितिको लागि निमन्त्रणा समेत गरिएको छ ।
यो कार्यक्रमले विदेशमा रहेका सबै नेपालीहरुलाई एक आपसमा सद्भाव जोड्ने महत्वपूर्ण कडी बन्ने आयोजक संस्था प्रवासी नेपाली एकता मञ्च कतार( महिला बिभाग)ले बिश्वास व्यक्त गरेको छ ।
