सिमलताल दुर्घटनाका बेपत्ता बस र यात्रु खोजि कार्यकालागि भारतीय उद्धारटोली खटिदै

दुर्घटना

गृहपृष्ठ
दुर्घटना
सिमलताल दुर्घटनाका बेपत्ता बस र यात्रु खोजि कार्यकालागि भारतीय उद्धारटोली खटिदै

सिमलताल दुर्घटनाका बेपत्ता बस र यात्रु खोजि कार्यकालागि भारतीय उद्धारटोली खटिदै

शनिबार, साउन ५, २०८१ मुग्लानी खबर

नारायणगढ-मुग्लिन सडक अन्तर्गत चितवनको भरतपुर महानगरपालिका-२९ सिमलतालमा भेलबाढीमा परी त्रिशूलीमा खसेको बस र यात्रुको खोजीका लागि भारतीय उद्धार टोली खटिएको छ।
नेपालले अनुरोध गरेपछि उद्धारमा सहयोगका लागि भारतबाट १२ जनाको उद्धार टोली सिमलताल आएका हुन्।उनीहरू गएराति साढे १२ बजे नेपालका लागि प्रस्थान गरेको र शनिबारदेखि सिमलतालमा बेपत्ता बस र यात्रुको खोजीमा खटिने गृहमन्त्रलायको विपद् महाशाखा प्रमुख भीष्मकुमार भूसालले जानकारी दिए l
दुई बसमा सवार ६५ यात्रुमध्ये तीन जना हामफालेर जोगिएका थिए। नदीमा बेपत्ता ६२ मध्ये अहिलेसम्म २३ यात्रुको शव भेटिएको छ। ३९ जना अझै बेपत्ता छन्। असार २८ गते सिमलतालस्थित सिँदुरे खोलाको भेलबाढीमा परी त्रिशूलीमा खसेको दुइटा बस अझै फेला परेको छैन।

प्रकाशित मिति: शनिबार, साउन ५, २०८१