दोहा : नेकपा (एमाले) का वरिष्ठ उपाध्यक्ष,नेपाल सरकारका पुर्व उपप्रधान तथा रक्षा मन्त्री ईश्वर पोखरेल कतार आइपुगेका छ्न ।
"आउँदो शुक्रबार आयोजना गरिएको `प्रवासी नेपाली मञ्च कतारको´ "सातौँ अधिवेशन"को निम्ति प्रमुख अतिथि बक्ताको रुपमा पोख्रेल कतार आएका हुन ।
पोख्रेललाई हमाद अन्तर्राष्ट्रिय एयरपोर्टमा स्वागत गर्नको निम्ति मञ्चका अन्तराष्ट्रिय कमिटीका उपसचिव चानक पोखरेल,मञ्च संस्थापक अध्यक्ष तथा मध्यपूर्व इन्चार्ज कमलमणि गुरागाईं, सातौँ अधिवेसन समितिका संयोजक अफसर अलि खान लगायत मञ्चका विभिन्न पदमा आसिन तथा आस्थावान ब्याक्तित्व हरुको बाक्लो उपस्थिति रहेको थियो ।
आगामी शुक्रबार अल डल्ला ड्राइभिङको सभा हलमा बिहान ११ बजेबाट शुरु हुने अधिवेशनलाई भव्यतापूर्वक सम्पन्न गर्न अफसर अलि खानको संयोजकत्वमा अधिवेशन आयोजक समिति गठन गरिएको छ ।
अधिवेशनको तयारीलाई अन्तिम चरणमा पुगेको र अतिथि सत्कार, व्यवस्थापन, प्रचारप्रसार, आर्थिक, यातायात व्यवस्थापन, स्वयंसेवक तथा हल व्यवस्थापनका लागि उप-समितिहरू निर्माण गरी तिनका संयोजक तथा सदस्यहरू मनोनीत गर्दै जिम्मेवारी बाँटफाँट पनि गरिएको छ ।
अधिवेशनमा सहभागी हुन नेकपा एमालेका केन्द्रीय सदस्य एवम् पूर्वमन्त्री उमाशंकर अरगरिया मञ्चका अन्तराष्ट्रिय कमिटी अध्यक्ष सन्जय थापा यो भन्दा पहिला नै कतार आइसकेका छ्न । कार्यक्रममा उपस्थिति जनाएर सफल पारीदिनको निम्ति प्रवासी नेपाली मञ्च कतारले सबैमा हार्दिक अनुरोध गरिएको जनाएको छ ।
