दोहा : नेपाली दूतावास कतारका राजदुत डा. नरेश बिक्रम ढकाल लाई सम्मान सहित बिदाई कार्यक्रम सम्पन्न गरिएको छ ।
गैरआवासीय नेपाली संघ, राष्ट्रिय समन्वय परिषद कतार तथा कतारमा स्थापित संस्था गण्डकी प्रदेश र कास्की आदर्श सेवा समाज कतारको संयुक्त आयोजनामा डा.ढकाललाई सम्मान "मायाको चिनो" र दोसल्ला ओढाएर बिदाई कार्यक्रम सम्पन्न गरिएको हो ।
२०७९ असार २२ मा कतारका लागि नेपाली राजदूत भएर आएका ढकाल नेपाल सरकारले गत जेठ २४ गते भारत र अमेरिकालगायत ११ मुलुकका राजदूतलाई कार्यकाल पूरा नहुँदै फिर्ता बोलाउने निर्णय गरेअनुरूप उनी आउँदो सोमबार स्वदेश फिर्ता हुँदैछन् ।
बिदाइ कार्यक्रममा गण्डकी प्रदेशका अध्यक्ष सागर पौडेल, कास्की आदर्शका अध्यक्ष अग्निधर देबकोटा, सामाजिक ब्याक्तित्व हंशराज ढकाल,एनआरनए आइसिसि सदस्य तेज कटुवाल, एनसिसि कतार सल्लाहकार मोहम्मद सकिर अलि, सामाजिक व्याक्तित्व बिमल सुबेदि लगायतले मन्तव्य राख्दै राजदुत ढकालले कतारमा रहेका नेपाली श्रमजिवि नेपाली हरुको पक्षमा उल्लेखनीय कार्य गर्दै अभिभावकत्व ग्रहणको लागि आभार प्रकट गर्दै जहाँ रहेपनि उज्ज्वल भबिस्यको कामना व्यक्त गरे ।
कार्यक्रमका प्रमुख अतिथिसमेत रहेका ढकालले कतारका अमिरको नेपाल भ्रमणले एउटा सकारात्मक ऊर्जा दिएको बताए । उनले खाडीबाट नेपाल पुग्दा हेरिने दृष्टिकोण अज्ञानतका कारण हुने गरेको स्मरण गर्दै खाडीका बारेमा सुनेर नभइ त्यहाँ पुगेर मूल्यांकन गर्न आग्रह गरे । उनले आफू जहाँ रहेपनि नेपाली श्रमिकका लागि साथ सहयोग र सहकार्य गर्न तत्पर रहने बताउदै सम्मान तथा बिदाई कार्यक्रमको लागि सम्पुर्णमा आभार प्रकट गरे ।
एनसीसी कतारका सचिव रोशन अर्यालले सहजीकरण, प्रथम उपाध्यक्ष कृष्ण पन्थीले स्वागत गरेको कार्यक्रमको समापन गर्दै संघका अध्यक्ष तथा कार्यक्रमका सभापती रमेश भट्टले मन्तव्य राख्दै ढकालको कार्यकालमा नियोगसँग मिलेर धेरै राम्रा कार्य गरिएको स्मरण गर्दै राजदुत ढकाल जुनसुकै देशमा रहेपनि अझै उन्नति तथा प्रगति रहोस भन्ने कामना गरेका थिए ।