दोहा । अर्घाखाँची सेवा समाज कतारले चर्चित कलाकार एलिना रायमाझी सङ्ग भेटघाट तथा सम्मान गरेको छ ।
नेपाली कलाकारिताको क्षेत्रको विभिन्न बिधाहरु मोडल, गीत संगीत नृत्य,तथा अभिनय पर्दाको माध्यमबाट महत्वपूर्ण योगदान पुर्याएको भन्दै समाजले खादा र सम्मान पत्रले रायमाझीलाई सम्मान गरेको हो ।
कार्यक्रममा आफ्नो मन्तव्य राख्दै रायमाझीले साङ्गितिक कार्यक्रमको सिलसिलामा आफू कतार आएको र जिल्ला बासी चेली सम्झेर आफुलाइ सम्मान सहित न्यानो मायाको निम्ति आभार प्रकट गरिन ।
उनले साँस्कृतिक कार्यक्रमको लागि बिदेश तथा देशका विभिन्न भूगोलमा पुगेपनि यो जत्तिको सम्मान,मायाँ नपाएको बताइन् । यो सम्मानले आफुलाइ कलाकारिताको क्षेत्रमा अझै अगाडि बढ्न उर्जा मिल्ने बिश्वास व्यक्त गरिन !
समाजका सचिव तिलक घिमिरेले सहजीकरण गरेको कार्यक्रमको सभापतित्व संस्थाका अध्यक्ष बिष्णु कुँवरले गरेका थिए भने प्रमुख अतिथिमा उनै कलाकार एलिना रायमाझी रहेकी थिइन ।
कार्यक्रममा अर्घाखाँची सेवा समाज कतार संरक्षक राम प्रसाद पराजुली,नेपाल पत्रकार महासंघ कतार शाखा उपाध्यक्ष दिल कुमार श्रेष्ठ, सल्लाहकार द्वय बोम बहादुर बस्नेत, गोबिन्द श्रेष्ठको उपस्थिति थियो । त्यसैगरि एनआरएनए एनसिसि कतारका प्रवक्ता तथा पत्रकार सन्तोष केसी, सुशीला पराजुली, उपाध्यक्ष बालाराम पाण्डे लगायत समाजमा आबद्ध विभिन्न प्रभुत्व व्यक्तित्व हरुको उपस्थिति रहेको थियो ।
