लिम्बुवानी रास्ट्रीय सहिद 'माङ्तोक' को १६ औं स्मृति दिवस भब्यताका साथ सम्पन्न

समाज

गृहपृष्ठ
समाज
लिम्बुवानी रास्ट्रीय सहिद 'माङ्तोक' को १६ औं स्मृति दिवस भब्यताका साथ सम्पन्न

लिम्बुवानी रास्ट्रीय सहिद 'माङ्तोक' को १६ औं स्मृति दिवस भब्यताका साथ सम्पन्न

आइतबार, असोज २१, २०८० मुग्लानी खबर संवाददाता

कमल / बसन्त राज सुब्बा - लिम्बुवानी रास्ट्रीय शहिद राज कुमार आङदेम्बे ‘’ माङतोक ‘’ को १६ औ स्मृति दिवस भव्यताको साथ सम्पन्न भएको छ !
संघीय लोकतान्त्रिक रास्ट्रीय मंच –संघीय लिम्बुवान प्रान्तीय मंच र मातहतको लिम्बुवान भोलेन्टियर ( एल .भी .) केन्द्रीय कमाण्डको संयुक्त आयोजनामा झापा जिल्ला कमल -१ सानोकेर्खा स्थित शहिद माङतोकको समाधि स्थलमा १६ औ स्मृति दिवस मनाएको छ !
कार्यक्रमको शुरुवात इलाम चुलाचुली एकमा रहेको माङ्तोक शालिकमा माल्यार्पण सङ्गै महान राष्ट्रिय लिम्बुवान सहिद माङ्तोक अमर रहोस,कोशी प्रदेश खारेज गर भन्ने नारा लगाएको थियो भने उक्त शालिक र सहिदको बारेमा कमल चुलाचुली वडा.न.१ का जनप्रतिनिधि वडाध्यक्ष एवम सलोराम प्रान्तिय सचिवालय सदस्य ध्रुव लावतीले आफ्नो भनाई राखेका थिए।
त्यसपछि झापा सानो केर्खा माङ्तोक समाधीस्थलमा आई औपचारिक कार्यक्रम भएको थियो।
स .लो .रा .मंच का उपाध्यक्ष तथा lv केन्द्रिय कमान्डर थाङसाङ लावतीको अध्यक्षतामा मञ्चको बरिस्ठ उपाध्यक्ष ज्ञानु हांङ इम्बुङको प्रमुख आतिथ्यमा ,किरात याक्थुङ चुम्लुङ झापा जिल्ला अध्यक्ष एवं प्रदेश न .१ पुन नामकरण संयुक्त संघर्ष समिति झापाका सचिब सेसेहांग फियाक को बिशेष आतिथ्य , विशिष्ट अतिथि, अतिथि विभिन्न पहिचानका संघ संगठन जातिय सस्था राई यायोखा दमक र चुलाचुली, माओवादी भातृ सङ्गठन लिम्बुवान किरात मुक्ति मोर्चा उपस्थितिमा सम्पन्न उक्त स्मृति सभामा बिभिन्न वक्ताहरुले आधुनिक कालका प्रथम लिम्बुवानी शहिद राज कुमार आङदेम्बे‘’ माङतोक ‘’ को बलिदान र लिम्बुवान आन्दोलनको बिषयमा आ आफ्नो धारणा राख्नु भएको थियो |
लिम्बुवान लगायत पहिचानको आधारमा १० +१ प्रान्तहरू स्थापना गरियोस र संबिधान सभाको चुनाब लगायत राज्यको हरेक अंगमा पूर्ण समानुपातिक पद्दति लागु गर भन्ने माग सहित शुरु भएको लिम्बुवान बन्दको क्रममा २०६४ असोज २० गते झापा जिल्ला कमल -१ सानो केरखा मा सशस्त्र प्रहरीले गोलि हानेर लिम्बुवान भोलेन्टियर राज कुमार आङदेम्बे ‘’ माङतोक ‘’ को हत्या गरेका थिए |
संघीय लोकतान्त्रिक रास्ट्रीय मंच –संघीय लिम्बुवान प्रान्तीय मंच /एल .भी .ले प्रत्येक बर्ष असोज २० गते शहिद ‘’ माङतोक ‘’ स्मृति दिवस मनाउँदै आएको छ |
यसरी नै असोज २० गते संघीय लोकतान्त्रिक रास्ट्रीय मञ्चको केन्द्रीय कार्यालय काठमाडौँ ,सुनसरी जिल्ला कार्यालय धरान ,पान्थर जिल्ला कार्यालय फेदेन लगायत बिभिन्न ठाउँ र प्रवास सङ्गठन कतार लगायत हरुले पनी शहिद माङतोक १६ औ स्मृति दिवस मनाइएका थिए |
उक्त कार्यक्रममा केन्द्रिय / प्रान्तीय / कमाण्ड , जिल्ला , नगर , पालिका ,वडा सम्मका नेता कार्यकर्ता उपस्थित रहेको थियो भने LV कमाण्ड प्रवक्ता काजीमान ओंख्रबो द्वारा सञ्चालित कार्यक्रममा स्वागत मन्तव्य LV केन्द्रिय उप कमाण्डर मोण्डेम मेन्याङ्बोले गरेका थिए त्यस्तै कार्यक्रम व्यवस्थापन क्षेत्र ५ lv माङतोक कमाण्ड , झापाले सहजीकरण गरेका थिए।