दोहा : गैरआवासीय नेपाली संघ (एनआरएनए) राष्ट्रिय समन्वय परिषद कतारको आगामी (२०२३- २०२५ ) को कार्यकालको लागि युवा उपाध्यक्ष पदको लागि डेग बहादुर भारती सुमनले उम्मेदवारी घोषणा गरेका छन् ।
एक कार्यकाल एनसिसि युवा संयोजकको भुमिका सफलताको साथ निर्वाह गरेका भारतीले सामाजिक संजाल मार्फत आगामी कार्यकालको लागि युवा उपाध्यक्ष पदमा उम्मेदवारी दिने बताएका हुन ।
सन २००६ मा कतार प्रवेश गरेका भारती एक बर्ष पछि विभिन्न संघसंस्थामा आबद्ध रहेर काम गर्दै आएका छन् । उनी ०७ मा नै एनआरएन एनसिसि कतारका पार्षद सदस्य बनेका हुन । मितेरी फिल्म्स साँस्कृतिक समुहका अध्यक्ष, अन्तर्राष्ट्रिय साँस्कृतिक मँचका प्रथम उपाध्यक्ष रहेर काम गरेको अनुभव छ भारतीसंग । चितवन युवा समुह कतारको कार्यसमितिमा रहेर काम गरेका उनि हाल युवा संयोजक पनि हुन भने ०२३- ०२५ का लागि युवा उपाध्यक्षमा उम्मेदवारी घोषणा गरेका छन ।
उनी चितवन सेवा समाज अन्तर्राष्ट्रिय समन्वय समितिका प्रवास साँस्कृतिक संयोजक समेत रहेका छन । साँस्कृतिक क्षेत्रमा अब्बल र आफु पनि कलाकार भएको कारण नेपालबाट सबैभन्दा बढि र चर्चित कलाकारहरुलाइ प्रवासमा लैजान संयोजकको भुमिकामा रहन्छन उनि । उनको यो समाजसेवाको लगावले नै सबैले सहयोग गरि निर्बाचित गराउनेमा ढुक्क छन उनि ।
भारतीले सामाजिक संजालमा आफ्नो प्रतिबद्धता जाहेर गर्दै लेखेका छ्न ।
आदरणीय गैरआवासीय नेपाली संघसंग आवद्ध अग्रज अभियान्ता ज्यूहरु, कतारका भिभिन्न संघ संस्थाका प्रमुख एवं पदाधिकारी ज्यूहरु, कतारवासी नेपाली दाजुभाइ तथा दिदिबहिनीहरु, बुद्धिजीवी, पत्रकार, समाजिक अभियन्ता, पार्षद ज्यूहरु लगायत सम्पूर्णमा सादर नमस्कार ।
गैरआवासीय नेपाली संघ, राष्ट्रिय समन्वय परिषद कतारको विभिन्न जिम्मेवारीमा रहि सफलता पूर्व कार्यसम्पादन गर्दै आईरहेको यहाँहरूलाई सर्व विदित्तै छ । यहाँहरूकै साथ, समर्थन र सहयोगबाट आफूलाई यस उचाईमा पाउँदा यहाँहरू सम्पूर्ण प्रती ऋणी छु ।
यहाँहरूकै सल्लाह, सुझाव र हौसलालाई शिरोधार्य गर्दै पुनस् गैरआवासीय नेपाली संघ, राष्ट्रिय समन्वय परिषद कतारको आसन्न १० औं राष्ट्रिय अधिवेशन मार्फत एनसीसी कतारको २०२३-२०२५ कार्यकालका लागि यूवा उपाघ्यक्ष पदमा उम्मेदवारी घोषणा गरेको छु ।थप, सल्लाह सुझाव र प्रतिक्रियाको अपेक्षा गर्दछु ।
डेग बहादुर भारती सुमन
उम्मेदवार
यूवा उपाध्यक्ष
