दाङ, अन्तर्राष्ट्रिय रोल्पाली सेवा समाजले आफ्नो पाँचौ वार्षिकोत्सव दाङको घोराही स्थित होटेल माछापुच्छ्रेको सभा हलमा यहि आउँदो असार १४ मनाउने भएको छ।
समाजले गत शुक्रवार दिउँसो ५ औं वार्षिकोत्सवका बारेमा जुम मिटिङ मार्फत विश्वभरी रहेका केन्द्रिय सदस्यहरुको बैठक बसी सबैको सुझाव सल्लाह बमोजिम पाँचौ अधिवेशन दाङमा गर्ने भएको हो।'मातृभूमिका लागि विश्वभरीका रोल्पालीहरु गोलबन्द हौ' भन्ने मुल नारालाई आत्मसाथ गर्दै बिसं २०७५ सालमा स्थापना भएको सामाजिक संस्थाले आफ्नो ५ औं वार्षिकोत्सव मनाउन थालेको हो।
समाजको वार्षिकोत्सव केन्द्रिय कार्यलय रोल्पामा मनाउन उचित भएता पनि भौगोलिक अबस्था,वर्षाको समय, आर्थिक अवस्था लगायत विविध कारणले केन्द्रीय समितिको बैठकले समेत दाङमै मनाउन सुझाव सल्लाह दिएपस्चात दाङमा मनाउन थालिएको केन्द्रिय अध्यक्ष डिलाराम वलीले मुग्लानी खबरलाई जानकारी दिएका छन।
वार्षिकोत्सव आउँदो असार १४ गते बिहिबार ठिक १० भएकोले सबैलाई समयमै उपस्थित भई कार्यक्रमको शोभा बढाईदिनहुन अनुरोध गरेको छ भने थप जानकारीको लागि केन्द्रिय अध्यक्ष डिलाराम ओली ( ९८४८८४००५०),केन्द्रिय सह- सचिब रोशन गिरि ( ९८४९६४७४८८१),दाङ शाखा अध्यक्ष ओम प्रकाश खड्का ( ९८६६९४०१५७) र केन्द्रिय कोषाध्यक्ष निशान ओली ( ९८६६९६९९२७) लाई सम्पर्क गर्न सकिने समेत आयोजकले जनाएको छ।
अन्तर्राष्ट्रिय रोल्पाली सेवा समाज केन्द्रको वार्षिकोत्सब कार्यक्रम सफल बनाउन संघ संस्था, कलाकार, पत्रकार, खेलाडी, ब्यापारी बुद्धिजीवी, समाजसेवी, शुभचिन्तक साथै सम्पूर्ण रोल्पाली तथा गैर रोल्पाली दाजुभाई दिदीबहिनिहरुलाई गरिमामय उपस्थितिको लागि समाजका केन्द्रिय महासचिव शेर बहादुर डाँगीले अनुरोध गरेका छन।
