दोहा कतार,
नेपाली साहित्यकार बिष्णु कुमारी वाईबा तथा पारिजातको ८७औँ पारिजात जयन्ती तथा अनेसास नवोदित साहित्यिक वाचनालय कतारको १३४औँ रचना वाचन डबली सम्पन्न भएको छ।
गत १२ मे २०२३, शुक्रवारका दिन कतारमा स्थापित साहित्यिक संस्था द्वय अन्तर्राष्ट्रिय नेपाली साहित्य समाज कतार च्याप्टर तथा नवोदित साहित्यिक वाचनालय कतारले आफ्नो १३४औँ रचना वाचन डबली नज्मामा रहेको गोर्खा नेपाली रेस्टुरेन्टको सभाहलमा रचना वाचन तथा पारिजात जयन्ती भब्यताका साथ मनाईएको हो।
प्रत्येक महिनाको दोस्रो शुक्रवार निर्धारित समयमा शुरु भएर निर्धारित समयमै समापन हुने यस कार्यक्रमको विशेषता रहेको छ। हरेक डबलीमा भिन्दै संयोजक र भिन्दै विशिष्ट श्रोता रहनु यस कार्यक्रममा कार्यक्रमको संयोजक टिका खडका राष्ट्रप्रेमीले गरका थिए भने विशिष्ट श्रोता नेपाली महिला समाज कतारकी अध्यक्ष सरिता पौडेल भण्डारी रहेकी थिईन ।
कार्यक्रममा कतारका साहित्यकारहरु प्रेम प्रसाद भट्टराई, टीका खड्का 'राष्ट्रप्रेमी',मणि पौडेल,पबित्ता खड्का,बिन्दा लामा,रुप रसाईली,शोभाराम ओली,खेमराज सुवेदी,सानू थपलिया,दिप मिलन,श्यामराज रानाभाट,लेख कार्की, सोम थापा, धर्म सन्देश,सेखर बस्नेत,शिव सुवेदी,निरन नेपाल,नारायण निर्जल भण्डारी,कबिता खत्री लगायत करिब तीन दर्जन साहित्यकारहरुले आफ्ना दमदार रचनाहरु सशक्त ढङ्गले वाचन गरेका थिए।
