गोकर्णेश्वरमा बृहत् गजल महोत्सव हुँदै

समाचार

गृहपृष्ठ
समाचार
गोकर्णेश्वरमा बृहत् गजल महोत्सव हुँदै

गोकर्णेश्वरमा बृहत् गजल महोत्सव हुँदै

आइतबार, वैशाख ३, २०८० मुग्लानी खबर

काठमाण्डौ, गोकर्णेश्वर नगरपालिकाको आयोजनामा यहि आउँदो बैशाख २३ गते शनिवारका दिन बृहत् गजल प्रतियोगिता हुने भएको छ।

नगरपालिकाले एक सुचना जारी गर्दै गायन तथा गजल प्रतियोगिता गर्न थालिएको जानकारी गराएको छ।प्रतियोगितामा भाग लिन चाहनुहुने इच्छुक गजलकारहरुले प्रतियोगितामा भाग लिनको लागि नितान्त मौलिक, कतै रेकर्डिङ, प्रचार प्रसार नभएको कम्तिमा सात शेयर सम्मको एकसाइडमा मात्र लेखिएको गजलहरू gokarneshwor.shikshya2019@gmail.com मा एक प्रति फोटो, फोन नम्बर र बसोबास गरिएको ठेगाना सहित पठाइदिन अनुरोध गरेको छ।

त्यसैगरी गोकर्णेश्वर नगरपालिका शिक्षा, युवा तथा खेलकुद शाखा (फोन नं ०१४९१२१४०) मा बैशाख १५ गते सम्म कार्यलय समय भित्र आई दर्ता गराउनु पर्ने छ।सम्पुर्ण गजलहरूबाट करिब ४० वटा उत्कृष्ट गजलहरू बिज्ञहरुद्वारा छनोट गरिनेछ।छनोटमा परेका गजलहरू सुचना पाटी तथा गोकर्णेश्वर खबर मार्फत प्रकाशित गरिने छ।गोकर्णेश्वर नगरपालिका स्थित आरुबारी ब्याङ्केटमा हुने उक्त कार्यक्रममा छनोट भएका गजलहरू बिहानको ठिक १०:३० बजे कार्यक्रम स्थलमा आइ पुग्नुपर्ने छ भने कार्यक्रमको उद्घाटन पश्चात् गजल बाचन गरिनेछ।

वाचन पश्चात् बिजेता घोषणा गरिने छ जस अनुसार प्रथम पुरस्कार नगद ६० हजार प्रमाणपत्र ,द्वितीय पुरस्कार नगद ४० हजार र प्रमाणपत्र, तृतीय पुरस्कार नगद ३० हजार र प्रमाणपत्र प्रदान गरिने छ साथै सान्त्वना पुरस्कार स्वरुप ५ जनालाई जनही २० हजारका दरले पुरस्कार प्रदान गरिने छ।

थप जानकारीको लागि तलको सुचना पढ्नुहोला...