काठमान्डौ, राष्ट्रिय स्वतन्त्र पार्टीका सभापति रवि लामिछानेले शनिवार काठमाडौंमा आयोजित पत्रकार सम्मेलनमा बोल्दै आफ्नो पार्टिले दुइ तिहाई बहुमतको सरकार बनाएरै छोड्ने दाबि गरेका छन् ।
सभापति लामिछानेले आफ्नो पार्टीले बहुमत ल्याएपछि राम्रा नीति बन्ने र नयाँ पुस्ताको भविष्य सुनिश्चित हुने दिन आउने पनि बताउदै
पार्टीमा स्वर्णिम वाग्ले र रमेश खरेलजस्ता हजारौं क्षमतावान मानिसहरु जोडिन आउने जनाउ दिएको भन्दै पार्टीले बहुमतको सरकार बनाउने दिनको परिकल्पना यो सपना मैले सुतेर, निदाएर देखेको सपना होइन।’आखा खोलेर देखेको छु स्पष्ट पारे। वाग्ले र खरेलजस्ता विज्ञहरु आफ्नो पार्टीमा आउनु सिंगो देशका लागि उज्यालोको संकेत भएको बताउदै उनले वाग्ले र खरेलजस्ता विज्ञहरुले मन्त्री भएर सरकारको नेतृत्व गर्ने र मुलुकमा विचौलिया र घुसखोरहरुको अन्त्य हुने दाबी समेत गरे।
सभापति लामिछानेले भने आउँदै गरेको पुस्ताले तपाईले लगाउनु भएको यो गुणलाई सम्झने छ। म त्यो दिनको परिकल्पना गरिरहेको छु–जतिखेर हामीले बहुमतको सरकार, दुई तिहाईको सरकार बनाउनेछौं। जहाँ हाम्रा सांसदहरु, नीति निर्माणमा संसदभरी रहनेछन र हामीले संचालन गरेको सरकार, हाम्रो नेतृत्वको सरकारमा तपाईहरुजस्तो विज्ञहरुले मन्त्रालयहरु हाँक्नु हुनेछ। जहाँ विचौलिया, घुसखोरहरुको अन्त्य हुनेछ। यो देशले राम्रा नीतिहरु बनाउनेछ। र, आउँदै गरेका हाम्रा छोराछोरीहरुको भविष्य सुनिश्चित गर्नेछ।
अन्त्यमा पार्टीलाई विश्वास गरेर, यो अभियानलाई विश्वास गरेर आफूले आर्जन गरेको आफ्नो नाम, आफ्नो प्रतिष्ठालाई हामीसँगै जोडिएर अगाडि बढने जुन साहस, हिम्मत र साथ दिनुभएकोमा म दुवै जना साथीहरुलाई धेरैधेरै धन्यवाद पनि दिन चाहन्छु। तपाईहरुको आगमनले एउटा केवल राजनीतिक दलमा तपाईहरु दुई जना आउनु भएको मात्रै होइन।
एउटा हुर्कदै गरेको पुस्तालाई तपाईहरुले कति भरोसा दिनु भएको छ। यो अध्यारो र अन्धकार भएको ठाउँमा, समाज जहाँ निराशाको एउटा ठूलो बादल छाएको छ। यस्तो निराशाको बादल छाएको ठाउँमा तपाईहरुले एउटा आशाको किरण बालिदिनुभएको छ। एउटा ज्योति बालिदिनु भएको छ। यस अर्थमा तपाईहरुले यो मुलुकलाई, यो ठाउँलाई र तपाईहरुले सिंगो समाजलाई र र सिंगो देशलाई आशाको जुन किरण झल्काई दिनु भएको छ। यो गुण तपाईले लगाउनु भएको छ। मलाई विश्वास छ। ‘आजको यो कार्यक्रम आउँदै गरेको त्यो हजारौं क्षमतावान मानिसहरु जोडिन आँटेको जनाउ घण्टी मात्रै हो। त्यसकारणले यो जानकारी गर्नका लागि पनि हामी यहाँ उपस्थित भएका हौं साभापति लामिछानेले भनेl