तामाङ समाज कतारले सोनाम ल्होछार भब्य मनाउने

प्रवास समाचार

गृहपृष्ठ
प्रवास समाचार
तामाङ समाज कतारले सोनाम ल्होछार भब्य मनाउने

तामाङ समाज कतारले सोनाम ल्होछार भब्य मनाउने

बिहीबार, माघ ५, २०७९ मुग्लानी खबर संवाददाता

दोहा : नेपाल प्रवासी तामाङ समाज कतारले तामाङहरुको राष्ट्रिय पर्व मञ्जुश्री संम्वत २८५९ सोनाम ल्होछार ह्योई (तावर बिरालो) बर्ग भब्य रुपमा मनाउने भएको छ ।

विगतका वर्षहरुमा जस्तै यो बर्षपनि नेपालबाट चर्चित कलाकार हरुको साथमा सन् २०२३ जनवरी २७ तारीख शुक्रबारबार अबुहमर स्थित इन्डियन आइडियल स्कुलको सभाहलमा बिहान् १० बजेदेखि शुरु हुने कार्यक्रमका संयोजक श्री पाख्रीन बहादुर तामाङले मुग्लानी खवरलाई जानकारी गराए । साथै ल्होछार कार्यक्रम स्थलसम्म पुग्न नि:शुल्क यातायात सेवा र खानपिनको समेत व्यवस्था रहेको संयोजक पाख्रीनको भनाइ रहेको छ ।

सोनाम ल्होछार शुभकामना आदानप्रदान तथा साँस्कृतिक महोत्सव-२०२३´ मनाउनको लागि नेपालबाट चर्चित सेलो गायक एवं संगीतकार बैरागी मोक्तान र म्हेन्दोमाया गायिका तथा आर.जे सबिना तामाङलाई आमन्त्रण समाजका अध्यक्ष सुबास तामाङले बताएका छन ।

कार्यक्रममा कतारमा कार्यरत तामाङ तथा गैर तामाङ, समाजसेवी, बुद्धिजीवी पत्रकार लगायत अन्य विभिन्न पेशामा आबद्ध रहेका सम्पुर्णलाई कार्यक्रममा उपस्थित हुन नेपाल प्रवासी तामाङ समाज कतारले आग्रह गरेको छ ।

सोनाम ल्होछार अन्तर्गत ल्हो माघ शुक्ल प्रतिपदा (बिरालो)वर्ष सुरु हुनेछ । पुषसम्म भने गत वर्ष फेरिएको बाघ वर्षनै रहनेछ, यद्यपि चन्द्र पात्र अनुसार मिति तलमाथि हुने गर्दछ । स्थापनाकाल देखिनै तामाङ समाज कतारले नेपालबाट चर्चित कलाकारहरु र यहाँ कार्यरत स्थानिय कलाकारहरुको सहयोगमा विविध सामाजिक तथा सांस्कृतिक कार्यक्रमहरु गर्दै आएको छ।

प्रकाशित मिति: बिहीबार, माघ ५, २०७९

प्रतिक्रिया दिनुहोस्