मुग्लानी खबर
काठमाडौँ, लायन्स क्लब अफ काठमाडौं ग्रिन नेचर र लाईन्स क्लब अफ काठमाण्डौद्वारा संयुक्त रुपमा रक्तदान कार्यक्रम सम्पन्न भएको छ।
मानव सेवा नै ठूलो धर्म हो भन्ने धारणा सहित सामाजिक तथा मानवीय सेवामा सक्रिय रहेको लायन्स क्लब अन्तर्राष्ट्रिय डिस्ट्रिक ३२५ डी अन्तर्गत रहेको लायन्स क्लब अफ काठमाडौं ग्रिन नेचर र लायन्स क्लब अफ काठमाडौं गोकर्णेश्वर द्वारा संयुक्त रुपमा रक्तदान कार्यक्रम आयोजना गरिएको हो।
रक्तदान कार्यक्रम लायन्स क्लब अफ काठमाडौं ग्रिन नेचर तथा प्रगति महिला समुह माकलबारीका अध्यक्ष फुलमाया गुरुङको अध्यक्षतामा भएको थियो।कार्यक्रममा गोकर्णेश्वर नगरपालिकाका प्रमुख दीपक रिसाल र उपप्रमूख सान्नानी लामा समाजसेवी एवम् शिक्षासेवी पेमा छिरि शेर्पा, नगर खेलकुद समितिका संयोजक सञ्जय लामा लगायत स्थानीयको उपस्थिति रहेको थियो।
उक्त कार्यक्रममा काठमाडौं निर्वाचन क्षेत्र नं ३ मा निर्वाचित संघिय सांसद शान्ती श्रेष्ठ, बागमती प्रदेश सभा सदस्य बिमल ठकुरी लगायत निर्वाचित जनप्रतिनिधिहरुलाई बधाई तथा सफल कार्यकालको शुभकामना समेत दिइएको थियो ।
गत शनिबार गोकर्णेश्वर नगरपालिकाको माकलबारी स्थित अल्फाज मार्ट प्राङ्गणमा भएको उक्त रक्तदान कार्यक्रममा माकलबारी टोल सुधार समिति , प्रगति महिला समुह र गोकर्णेश्वर लाइट एकेडमीले रक्तदान कार्यक्रमलाई बिशेष सहयोगी भुमिका निर्बाह गरेका थिए।
स्थानीय समयानुसार बिहानको करिब ९ बजे बाट शुरु भएको उक्त रक्तदान कार्यक्रममा ३५ पिन्ट रगत संकलन गरिएको आयोजकले मुग्लानी खबरलाई जानकारी गराएको छ।
