काभ्रेस्थलीमा एकै परिवारका चार जनाको विभत्स हत्या

अपराध

गृहपृष्ठ
अपराध
काभ्रेस्थलीमा एकै परिवारका चार जनाको विभत्स हत्या

काभ्रेस्थलीमा एकै परिवारका चार जनाको विभत्स हत्या

सोमबार, साउन १६, २०७९ मुग्लानी खबर संवाददाता

काठमाडौंको तारकेश्वर नगरपालिका–२ काभ्रेस्थलीमा एकै परिवारका चार जनाको विभत्स हत्या भएको छ ।

मृत फेला परेका चार जनाको पहिचान खुलेको छ । काठमाडौं प्रहरीका अनुसार मृत फेला परेका उनीहरुको हत्या भएको हो ।

हत्या हुनेमा श्रीमान–श्रीमती र दुई छोराछोरी रहेका छन् । एकै परिवारका ४१ वर्षीय दिनेश पाण्डे, उनकी श्रीमती ३९ वर्षीया सुनिता पाण्डे, १३ वर्षीया छोरी आशिका पाण्डे र ८ वर्षीय आशिक पाण्डेको विभत्स तरिकाले हत्या भएको प्रहरीले जनाएको छ ।

गोरखा भीमसेन गाउँपालिका–६ बोर्लाङ नारनपुर स्थायी घर भइ हाल काभ्रेस्थलीमा बस्दै आएका पाण्डे परिवारका सदस्य सोमबार बिहान मृत अवस्थामा फेला परेका हुन् ।

उनीहरुको हत्या कसले र किन गरेको भन्नेबारे थप अनुसन्धान भइरहेको प्रहरीले जनाएको छ

प्रकाशित मिति: सोमबार, साउन १६, २०७९

प्रतिक्रिया दिनुहोस्