सुरक्षा कारबाहीमा परी पाकिस्तानमा एक सुरक्षाकर्मी र छ आतङ्कवादीको मृत्यु

अन्तर्राष्ट्रिय

गृहपृष्ठ
अन्तर्राष्ट्रिय
सुरक्षा कारबाहीमा परी पाकिस्तानमा एक सुरक्षाकर्मी र छ आतङ्कवादीको मृत्यु

सुरक्षा कारबाहीमा परी पाकिस्तानमा एक सुरक्षाकर्मी र छ आतङ्कवादीको मृत्यु

शनिबार, साउन १४, २०७९ एजेन्सी

इस्लामावाद, १४ साउन - पाकिस्तानमा सुरक्षा कारबाहीमा परी कम्तीमा छ आतङ्कवादीको मृत्यु भएको छ ।

देशको दक्षिण पश्चिमी बलुचिस्तान प्रान्त अन्तर्गत पर्ने केच जिल्लामा भएको घटनामा परी उनीहरूको मृत्यु भएको हो । सोही क्रममा एक सुरक्षाकर्मीको पनि मृत्यु भएको सेनाले पुष्टि गरेको छ ।

गोप्य सूचनाका आधारमा सुरक्षाकर्मीहरूले सुरक्षा कारबाही चलाउँदा उनीहरूको मृत्यु भएको जनाइएको छ ।

सरक्षा फौजले विभिन्न ठाउँमा खोजी तथा कारबाही अभियानलाई तिव्रताका साथ अगाडि बढाएको छ ।

सुरक्षा कारबाहीका क्रममा आतङ्ककारीहरूले प्रयोग गरेका हातहतियार तथा युद्ध बन्दोबस्तीका सामग्रीहरू पनि बरामद गरिएको छ ।

आतङ्कवादीहरूले शान्ति सुरक्षामा दखल पुर्याएको र मानवीय तथा भौतिक क्षति पुर्याएको भन्दै सुरक्षाकर्मीहरूले सुरक्षा कारबाही तिव्र पारेका हुन् । रासस÷एएनआई

प्रकाशित मिति: शनिबार, साउन १४, २०७९

प्रतिक्रिया दिनुहोस्