काठमाण्डौ, गोकर्णेश्वर नगरपालिका वडा नं ६ को आयोजनामा सर्वेश्वर मन्दिर प्राङ्गणमा स्वास्थ्य केन्द्रको उद्घाटन गरिएको छ।'
गोकर्णेश्वर नगरपालिका वडा नं ६ का वडा अध्यक्ष नवराज लामाको सभापतित्व तथा नेकपा एमाले बागमती प्रदेश सांसद कृष्ण राईको प्रमुख आतिथ्यतामा भएको कार्यक्रमको बिशेष अतिथिहरुमा नगर प्रमुख दिपक रिसाल,उपमेयर सान्नानी लामा, वडा नं ६ का पुर्व अध्यक्ष रमेश अर्याल रहेका थिए।
अतिथीहरुमा वडा नं ५ का वडा अध्यक्ष नारायण बहादुर सुवेदी,वडा नं ९ का वडा अध्यक्ष राजिव थापा,गोनपा शाखा प्रमुख टंकनाथ घिमिरे,लेखा अधिकृत रामजी रायमाझी, स्वास्थ्य तथा वातावरण शाखा प्रमुख हरि प्रसाद उपाध्याय लगायत,स्वयंसेवक, स्वास्थ्य क्षेत्रमा कार्यरत कर्मचारीहरु ,स्थानिय दाजुभाई तथा दिदिबहिनीहरुको उल्लेखनीय उपस्थिति रहेको थियो। माननीय कृष्ण बहादुर राईको हस्त बाहुलीबाट स्वास्थ्य केन्द्रको उद्घाटन साथै निशुल्क स्वास्थ्य परिक्षण समेत गरिएको थियो।
वडा नं ६ का वडा सचिव चन्द्रप्रभा उपाध्यायद्वारा सहजीकरण गरिएको उद्घाटन समारोहमा स्वास्थ्य केन्द्रकी प्रमुख रेखा श्रेष्ठले स्वागत मन्तब्य राखेको कार्यक्रममा प्रतिनिधि सभा सदस्य माननीय कृष्ण बहादुर राइ, नगर प्रमुख दिपक कुमार रिसाल उप प्रमुख सान्नानी लामा, वडा नं ६ का निवर्तमान वडा अध्यक्ष रमेश अर्याल लगायतले शुभकामना मन्तब्य राखेका थिए ।
