बङ्गलादेशका ७५ प्रतिशतलाई कोरोना विरुद्धको खोप

स्वास्थ्य-जीवनशैली

गृहपृष्ठ
स्वास्थ्य-जीवनशैली
बङ्गलादेशका ७५ प्रतिशतलाई कोरोना विरुद्धको खोप

बङ्गलादेशका ७५ प्रतिशतलाई कोरोना विरुद्धको खोप

बिहीबार, वैशाख २२, २०७९ एजेन्सी

बङ्गलादेशमा अहिलेसम्म कोरोना भाइरस विरुद्धको खोप ७५ प्रतिशतलाई लगाइएको छ । ;
कुल जनसङ्ख्याको ७५ प्रतिशतले खोप लगाएको सरकारी अधिकारीहरूले जानकारी दिएका छन् । खोप लगाउन योग्य मध्येका भने ९८ प्रतिशतले खोप लगाएको पनि उनीहरूले स्पष्ट पारेका छन् । ;
“हामीले कुल जनसङ्ख्याका ७५ प्रतिशतलाई खोप लगाएका छौँ, उनीहरु खोप लगाउन योग्य मध्ये ९८ प्रतिशत हुन,” बङ्गलादेशका स्वास्थ्य मन्त्री जाहिद मालेक्युले भन्नुभयो ।
उहाँले कोरोना भाइरस विरुद्धको खोप अभियानमा उल्लेख्य सफलता हासिल भएको भन्दै सन्तोष व्यक्त गर्नुभयो ;।
लक्षित बर्गका धेरैले खोप लगाइसकेकोले अव महामारीबाट धेरै क्षति नहुने विश्वास पनि उहाँले व्यक्त गर्नुभयो । ;
मन्त्री मालेक्युले खोप अभियानमा संलग्न सबैलाई धन्यवाद दिनुभयो । विशेषगरि स्वास्थ्यकर्मीहरू धन्यवादको मुख्य पात्र भएको उहाँको भनाई छ । ;
धेरै मानिसले कोरोना भाइरस विरुद्धको खोप लगाएकाले इद पर्व पनि ढुक्कसँग मनाउन पाइएको उहाँले अनुभव सुनाउनु भयो । ;
बङ्गलादेशमा कोरोना भाइरस विरुद्धको खोप अभियान गत वर्षको जनवरीदेखि सुरु भएको थियो ।
भारतले खोप उपलब्ध नगराएपछि बङ्गलादेशमा सबैभन्दा पहिला एस्ट्राजेनिका खोप लगाइएको थियो । ;त्यसपछि भने सिनोफर्मा, मोड्रना, फाइजर, सिनोभ्याक, जोनसन एण्ड जोनसनलगायतका खोपहरू पनि प्रयोग गरिएको अधिकारीहरूले जनाएका छन् । रासस÷सिन्ह्वा