मुग्लानी खबर
बैशाख २, आइतबार
नयाँ बर्ष २०७५ को पहिलो दिन बैशाख १, शनीबार कै दिन सम्पुर्ण नेपाली दाजुभाई तथा दिदिबहिनिहरुको सुख शान्ती समृद्धिको कामना गर्दै नेपाली कथानक चलचित्र "ड्रीम गर्ल"ले आफ्नो पोस्टर सार्बजनिक गरेको छ।
निर्माता अर्जुन शर्मा र ऋषीराज आचार्य र सह निर्माता रामेस्वर धिताल गरि तिनै जनाको सम्युक्त लगानीमा निर्माण भएको नेपाली कथानक चलचित्र
"ड्रीम गर्ल" यही आउदो असार २९ गते देश ब्यापी रुपमा रिलिज हुने घोषणा भए सङ्गै नयाँ बर्ष २०७५को पहिलो दिनमै पोस्टर रिलिज गरेको हो भने यही आउदो 10-11 MAY 2018 मा कतारका विभिन्न हलहरु र MAY 25 का दिन पोर्चुगलमा प्रदर्शन हुने समेत जानकारी दिईएको छ।
भारतीय फिल्म निर्माण कम्पनी रिल एण्ड रियल सिनेमासँगको सहकार्यमा आरबी मुभिको ब्यानरमा निर्माण भएको उक्त चलचित्रमा ऋषिराज आचार्यको लेखन ,निर्देशन ,पटकथा अनि सम्वाद रहेको छ।नेपाली फिल्मी इन्डस्ट्रीका चर्चित कलाकारहरुबाट अभिनय गरिएको चलचित्र
"ड्रीम गर्ल" मा आकाश श्रेष्ठ, आष्मा गिरी, सरोज खनाल, विल्सन बिक्रम राइ, लक्ष्मी गिरी, रुप सुवेदी, अर्जुन श्रेष्ठ, शिशिर भण्डारी, लगायत कलाकारहरुले मुख्य भुमिकामा अभिनय गरेका छन।
अर्जुन पोखरेलको संगीत, सम्राट बस्नेतको एक्सन र गम्भिर बिष्टको नृत्य रहेको उक्त चलचित्रमा अहिलेका चर्चित युवा संगीतकार अर्जुन पोखरेलको सोलो बिटको संगीत रहेको छ । नेपाली चलचित्र क्षेत्रमा छुट्टै तरङ्ग मच्चाउने अनुमान गरिएको
‘ड्रिम गर्ल’ मा विभिन्न क्षेत्रका अत्यन्तै मनमोहक दृश्य हरुमा छायांकन गरिएको छ जस अनुसार नेपालको काठमाण्डौ र चर्चित पर्यटकीय नगरी रारा ताल आसपासका ठाउँ साथै थाइल्यान्डको फि फि आइसल्यान्ड , फुकेट, कमला पार्क लगाएतका रमणीय ठाँउहरु देख्न सकिनेछ ।
