दोहा / नेपाल आदिवासी जनजाति महासंघ कतारको आयोजनामा गत १८ फेब्रवरी २०२२ शुक्रवारको दिन संस्थाका अध्यक्ष श्री पुरुस्वतम सुनुवारको सभापतित्वमा महासंघ कतारका प्रमुख सल्लाहकार शिब कुमार भुजेलको प्रमुख आतिथ्यमा नेपालका प्रथम शहिद लखन थापा मगर स्मृति दिवसको अवसरमा श्रद्दान्जली सभा कार्यक्रम दोहाको माउन्ट एभरेस्ट रेस्टुरेन्टको सभाहलमा सपन्न गरेको छ ।
नेपाल आदिवासी जनजाति महासंघ कतारमा आवद्द १३ वटा मातृ संस्थाहरुको सहभागितामा मातृ संस्थाका अध्यक्षहरु, संस्थापक तथा सल्लाहकारहरु, पूर्व अध्यक्ष, सचिवालय सदस्यहरु, संघीय परिषद सदस्यहरु लगायत आदिवासी जनजातिहरुको उपस्थितिमा कार्यक्रम सम्पन्न भएको हो म
संस्थाका वरिष्ठ उपाध्यक्ष भाईकाजी गुरुङले उपस्थित सम्पूर्णलाई स्वागत मन्तब्य राख्दै प्रथम शहिद लखन थापा मगरको बारेमा प्रष्ट पार्नुभएको थियो । कार्यक्रममा प्रथम शहिदको फोटोमा खादा र माला अर्पण गरि दिप प्रज्वलन गर्दै एक मिनेट मौनधारण गरिएको थियो ।
उक्त श्रद्धान्जली कार्यक्रममा सबै मातृ संस्थाहरुको तर्फबाट प्रवासी भुजेल समाज कतारका अध्यक्ष बिनोद भुजेल, संस्थापक सदस्य तथा सल्लाहकार शुक बहादुर तामाङ संस्थापक सदस्य तथा सल्लाहकार बिल बहादुर गुरुङले प्रथम शहिद लखन थापा मगरको बारेमा बताउदै श्रद्धान्जली भनाईहरु राख्नु भएको थियो ।
कार्यक्रमका प्रमुख अतिथि शिब कुमार भुजेलले नेपालका प्रथम शहिद लखन थापा मगरको बारेमा थाप जानकारी दिदै आगामी दिनहरुमा अझै भब्य रुपमा मनाउन सुझाब सल्लाह दिदै दिप प्रज्वलन गरि फुल अर्पण गर्नु भएको थियो ।
कार्यक्रमका सभापति पुरुस्वतम सुनुवारले उपस्थित सम्पूर्णलाई धन्यवाद ब्यक्त गर्दै श्रद्धान्जलीका भनाईहरु राख्दै समापन गरेका उक्त कार्यक्रम संस्थाका महासचीव एकराज राईले संचालन गरेका थिए ।
