भारत लगायत बिभिन्न देशबार आएर क्वारेन्टाइनमा बसेका मानिसलाई मात्र नभई नेपालमा कोरोना रोकथामका लागि खटिएका सुरक्षाकर्मी र स्वास्थ्यकर्मीमा पनि कोरोना संक्रमण देखिएको छ ।
प्रहरी प्रधान कार्यालयका अनुसार हालसम्म कोरोना संक्रमण देखिने प्रहरीको संख्या ७५ पुगेको छ । जसमा चार इन्सपेक्टर पनि छन् । कोरोना संक्रमित भएका ७५ प्रहरी मध्ये ४१ जना भने निको भई डिस्चार्ज भइसकेका छन् ।
कोरोना संक्रमित देखिनेमा प्रहरीमा कपिलवस्तुका ६, गुल्मीका १, प्यूठानका २, दाङका १, बागलुङका १, बाराका ७, धनकुटाका २, बाँकेका १, धनुषाका १०, सप्तरीका ४, सिरहाका ३, सर्लाहीका २, तनहुँका २, रौतहटका ४, महोत्तरीका २, जुम्लाका २, जाजरकोटका १, सुर्खेतका ४, दैलेखका ९, कञ्चनपुरका ३, अछामका १, बाजुराका १, काठमाडौंका ५ र भक्तपुरका १ जना रहेका छन् ।
