दैनिक भैरहेको वर्षाले यहाँको वाग्मती, महाँकाल र कोञ्ज्योसोम गाउँपालिकामा समस्या पारेको छ । वाग्मती प्रवेश गर्ने सडक तीन दिनदेखि अवरुद्ध हुनपुगेको छ ।
यहाँका किसानले उत्पादन गरेका दूध र तरकारी घरघर र खेतबारी रहेको वडा नं ५ इकुडोलका वडाध्यक्ष साजनदर्लामी मगरले बताउनुभयो । उहाँले भन्नुभयो, “हिजोको अविरल वर्षाले पहिरो गई यसै वडाको सानोचिल्ला भन्ने स्थानका केशव तिमल्सिनाको घर पहिरोले पुरिएको छ । पहिराले घर पुरिँदा दुई मानिस भाग्न सफल भइ सकुशल छन् ।” सो वडाको बेसरी बस्तीका २० घरपरिवार जोखिममा परेको जनाइएको छ । उहाँले भन्नुभयो, “यस वडाबाट हप्ताको तीन ट्रक तरकारी र दैनिक दुई हजार ५०० लिटर दूध उत्पादन भएर बजार जाने गथ्र्यो, सो अहिले त्यसै रहन बाध्य छ ।”
महाँकाल गाउँपालिका वडा नं ३ गोटिखेलका दुई घर र वडा नं ४ कालेश्वरको एक गरी तीन घर जोखिममा परेको निवेदन गाउँपालिकामा आएको अध्यक्ष रामचन्द्र दाहालले बताउनुभयो । उहाँले भन्नुभयो, “यहाँका बढीजसो सडक पहिरोले अवरुद्ध हुँदा बजार आउनुपर्ने सम्पूर्ण सामग्री त्यसै रहन बाध्य भएका छन् ।”
कोञ्ज्योसोमको वडा नं २ शङ्खु र वडा नं ३ दलचोकीमा वर्षाले समस्या पारिरहेको गाउँपालिकाका उपाध्यक्ष मिङ्मा लामाले बताउनुभयो । उहाँले भन्नुभयो, “शङ्खु कृषि र पशुपालनको पकेट क्षेत्र रहँदा दैनिक यहाँबाट बजार जाने रु सात लाख बराबरको दूध र तीन गाडी तरकारीलाई किसान त्यसै घरमा राख्न बाध्य भएका छन् ।”
यसैगरी गत जेठ १३ गते आएको ठूलो हावाहुरीले महाँकाल र वाग्मतीमा क्षति पु¥याएको थियो । महाँकालको वडा नं ६ ठूलादुलुङमा मात्र ९० प्रतिशत रु ४० लाख बराबरको अन्न र मकैबाली, रु दुई लाख बराबराको केराखेती र ३० तरकारीका टनेल पूर्णरूपमा नोक्सान भएको वडाध्यक्ष रामकृष्ण आचार्यले जानकारी गराउनुभएको थियो । वाग्मतीको वडा नं ७ गिम्दीमा पनि हावाहुरीले क्षति पु¥याउँदा ७० प्रतिशत मकैबाली नष्ट भएको थियो । वाग्मतीमै फौजी किराको प्रकोपले वडा नं १ घुसेल, २ माल्टा, ४ प्युटार र ६ आश्राङको मकैबालीमा असर पारेको जनाइएको छ ।
-1726731104-1735029534.jpg)
-1726731104-1735029534.jpg)
