मुग्लानी खबर डट कम बिरेन्द्र याक्थुङ्बा -30जनवरी 2017
संघीय लोकतान्त्रिक राष्ट्रिय मञ्चको प्रवास समिति संघीय लिम्बुवान सामाजिक मञ्च कतारले दोस्रो अधिवेसन भव्यताका साथ यही 27 जनवरी 2017 शुक्रबारका दिन सनैयाको ग्र्यान्ड मल नजिक क्रीकेट हलमा सम्पन्न गरेको छ ।संघीय लिम्बुवान सामाजिक मञ्च कतारका अध्यक्ष नरेन्द्र एभेङ लिम्बुको अध्यक्षतामा भएको उक्त कार्यक्रमका प्रमुख अतिथी नेपालबाट आएका संघीय लोकतान्त्रिक राष्ट्रिय मञ्चका केन्द्रिय अध्यक्ष कुमार लिङ्देन (मिराक) हुनुहुन्थ्यो भने कतारका विभिन्न संघ सस्थाबाट अतिथिहरुको बाक्लो उपस्तिथि थियो।कार्यक्रम तिल बिक्रम थेबे र डम्बर लिवाङले संचालन गरेका थिए र स्वागत मन्तब्य रेखा राईले दिएकी थिइन। यो अधिवेसनबाट निबर्तमान अध्यक्ष नरेन्द्र एभेङ्ग लिम्बु पुनः मञ्चको अध्यक्षमा सर्वसम्मत निर्वाचित भएका छन् भने उनको नेतृत्वमा ०१७–०१९ को कार्यकालको लागी ५१ सदस्यीय केन्द्रिय कार्यसमिति गठन गरिएको छ ।तेसै गरी निबर्तमान महासचिव तिलबिक्रम थेबे वरिष्ठ उपाध्यक्षमा र उपमहासचिव डम्बर लिबाङ महासचिबमा सर्बसम्मतले निर्बाचित भएका छन। दोस्रो अधिवेसनबाट रेखा राई, किरण लिङदेन, सागर तुम्बाहाम्फे, युवराज बेघा, चन्द्र आङदेम्बे गरि पाच जनालाई सर्वसम्मतले उपाध्यक्ष पदमा निर्वाचित गराएको छ। सुमन सहयात्री योङहाङ उपमहासचिव र प्रेम हुक्पा चोङवाङ सचिव एवं प्रवक्ता निर्वाचित भए । कुमार योङहाङ अर्थसचिव र बविता नेम्बाङ सह–अर्थसचिवमा निर्वाचित भए ।नगेन पाकसाँवा, तेन्जिङ शेर्पा (नरमल), होम फियाक, तेजबहादुर थेवे, मेघराज इजम, हर्क खजुम, सन्जय लिम्बु, सिताराम थेवे, ज्ञानेन्द्र लिङदेन, राज सिसाम लिम्बु, अविरमान सावदेन, हरी राई, नेत्र केरुङ, मंगलसिंह लिम्बु, मान बहादुर पाहिम, सन्जोक लिम्बु, डिकेन याक्थुङवा, मोहन केदेम, अर्जुन लक्सम, अमृत कुरुम्बाङ, राम जवेगु थेगिम, अमृत कुरुम्बाङ लिम्बु, सुश्री बिष्णु तामलिङ, मिथुन प्रसाद लिम्बु लगायत केन्द्रिय समितिमा निर्वाचित भएका छन् ।
अन्य सदस्यहरुलाई मञ्चले पहिलो वैठकबाट नै मनोनयन गर्ने जनाएको छ। दोस्रो अधिवेसन कार्यक्रमको उदघाटन नेपालबाट आएका संघीय लोकतान्त्रिक राष्ट्रिय मञ्चका केन्द्रिय अध्यक्ष कुमार लिङदेन “मिराक”ले संघीयताबादी र पहिचानबादी राजनितिक पार्टीहरुको गठबन्धनले उठाइरहेको पहिचानमा आधारित १०+१ संघीयताको विषयमा, पहिचानको विषयमा, संविधान संशोधनको विषयमा, अघि बढीरहेका विभिन्न राजनितिक मुद्दाहरुको वारेमा प्रष्टयाउदै अव नेपालमा १०+१ प्रान्तको संघीयता भएन भने मुलुकमा अर्कै परिस्थिति सृजना हुनसक्ने तर्फ सचेत गर्दै प्रवासबाट पनि वैचारिक शक्तिहरुको निर्माण हुदै जानुपर्ने आवश्यक रहेको र अन्तत यसले पनि संघीयता र पहिचानको स्थापनामा नैतिक बल पुग्ने बताउदै नेपालको शासन सत्ताको केन्द्रिय संरचनामै एकात्मकवाद हावी रहेकोले अन्तत आन्दोलन नगरीकन पहिचानमा आधारित प्रान्तहरु स्थापित हुन नसक्ने बताए । मुलुकको राजनितिलाई स्थायित्व दिन, संस्थागत गर्न र मुलुकलाई आर्थिक, सामाजिक समृद्धिमा लैजान संघीयताको आवश्यकता छ । एकात्मकबादी शासनले मुलुकको विकास भएन बरु एकपक्षलाई मात्र पक्षपोषण भएको भन्दै विश्व नै अहिले संघीयता र पहिचानयुक्त सिद्धान्त र मार्गतर्फ गइरहेको कुरा बताए ।
आफनो भाषा, भेषभुषा, धर्म, संस्कार, समुदाय, माटो, थातथलोमा पहिचानको भावना जिवन्त हुने बताउदै लिम्बुवान, खम्बुवान, तामसालिङ, तमुवान, मगरात नेवा, थारुहट, तराई मधेस, शेपा, खसान,दलित लगायतका समुदायले शदियौदेखि दवाएर राखिएको आफनो मुल पहिचानको सम्मान हुनुपर्ने, जातिजाति विचको इगो, दुश्मनी र शत्रुता नभएर भाईचाराको सम्बन्ध,समग्र विकास र स्थायित्वको लागि पहिचानमा आधारित १०+१ प्रान्तको संघीयता हुनुपर्ने बताए । दोस्रो अधिवेसनलाई शुभकामना मन्तव्य राख्दै नेपाली जनप्रगतिशील मञ्च गल्फ उपशाखाका संयोजक शनि कुमार ओलीले आदिवासी जनजाति लगायत हिमाल पहाड तराई सवैलाई मिलाएर जानलाई संघीयता आश्यक रहेको बताए । अव संघीयता र पहिचान राष्ट्रिय मुद्दाको रुपमा आइसकेकोले यसको ग्यारेन्टीमा कसैले रोकेर नरोकिने बताए । नयाँ शक्ति नेपाल, कतारका संयोजक विवि खरालले कुनैपनि जनजातिले देश नवेचेको तर देश वेच्नेहरु अहिले राष्ट्रबादी भएकोमा आश्चर्य मान्दै देशमा अव हिजो पछाडी परिएको आदिबाासी जनजाति तराइ मधेसलाई अव पनि कतिसम्म पछाडी पारेर राख्ने हो भन्ने प्रश्न राख्दै संघीयता र पहिचानवादीहरुको आन्दोलनमा नयाँ शक्ति नेपालको ऐक्यवद्धता रहेको र संघीयता, पहिचान पक्षधरहरु विच धुव्रिकरण हुनुपर्ने र तथाकथित राष्ट्रबादीहरुलाई परास्त गर्नुपर्ने बताए ।
अन्य वैचारिक संगठनहरु नेपाली जनसम्पर्क समिति कतारका सभापति केशव भुसाल, नेपाली जनप्रगतिशील मञ्चका कार्यवाहक अध्यक्ष रकमधोज राई, प्रवासी नेपाली मञ्चका उपाध्यक्ष गणेश शिवा, संंघीय समाज कतारका अध्यक्ष चन्द्रसेर राई, जनमुक्ति पार्टीका उपाध्यक्ष मन थापा, प्रवासी तराई मधेस मञ्चका मो. हुसैन खाँनले, कतार नेपाली एकता समाज उपाध्यक्ष मदन श्रीस, नेपाल पत्रकार महासंघ शाखा कतारका सभापति गणेश प्रसाद बन्जाडेले शुभकामना मन्तव्य राखेका थिए । नेपाली प्रवासी आदिवासी जनजाति महासंघ कतारका महासचिव शिव भुजेल, इलाम सेवा समाजका सदस्य लेखु काफले र नेपाल प्रवासी मगर संघ शाखा कतार सचिव रविन थापा मगर, किरात याक्थुङ चुम्लङ कतारका अध्यक्ष मनकुमार आङबो, सन्ध्या ग््रुप अलखोर कतारका अध्यक्ष विरेन्द्र याक्थुङवा, अन्तराष्ट्रिय नेपाली साहित्य समाजका अध्यक्ष कवि तिर्थसंगम राई (कविता सहित), नेपाली महिला समाज कतारका प्रथम उपाध्यक्ष आमिना खाँन लगायतका सामाजिक संघसस्थाले शुभकामना मन्तव्य राखेका थिए भने नेपाली समुदायका अग्रज कमलमणी गुरागाई, दिलकिरण खजुमले शुभकामना मन्तव्य राखेका थिए । मञ्चको स्मारिका समेत विमोचन गरिएको सो उदघाटन कार्यक्रममा लिम्वुवान कलाकारहरुको केलाङ र विचविचमा गायक अमुत लिम्बु र अन्य गायकको लिम्बुवान भावना बोकेको गीतहरुको प्रस्तुतीले उदधाटन कार्यक्रममा रोचकता थपिएको थियो ।
